Topics & Events

JICA nia Projetu Foos Domestiku hamutuk ho Ministeriu Agrikultura no Peskas (MAP) halao seremonia hodi loke Loja dos Agricultores iha Timor-Plaza, Dili. Estabelesementu loja ida ne'e atu bele halo koneksaun entre agrikultor sira ho merkadu, tambá maioria povu Timor mak involve án iha atividade agrikultura, maibe sira iha dezafiu atu hetan oportunidade hodi assesu ba merkadu atu bele faan sira nia produtu. Loja refere sei faan produtu agrikola husi asosiasaun agrikultor sira iha 12 munisipiu. Produtu sira ne'e mak hanesan foos lokal (foos mutin, foos mean no foos metan), modo no aifuan fresku, fore, kafe no seluk-seluk tan.

Loja dos Agricultores ida ne'e lansa ofisialmente husi Ministru Agrikultura e Peskas, Embaixador Japaun ba Timor-Leste, Chefe Representativu JICA Timor-Leste, no akompanha hosi Sekretariu Jeral MAP, Diretor Jeral Agrikultura, Diretor Nasional Agro-komersiu no Ministeriu relevante sira seluk.