Press Release

Iha Loron 18 fulan Juñu 2019, seremonia asina akordu Projetu Dezenvolvimentu Rekursu Umanu (JDS) ba daruak nebe suporta husi Governu Japaun halao iha Ministeriu Negosiu Estranjeiru no Kooperasaun Timor-Leste. Embaixador Japaun, S.E. Sr. Hirosi Minami no Ministru Negosiu Estranjeiru no Kooperasaun S.E. Dr. Dionisio Babo Soares, asina Troka de Nota (Exchange of Note) ba Projetu ida ne'e. Aleinde ne'e, S.E. Dr. Dionisio Babo Soares, no Sr. Masafumi Nagaishi (Xefe Reprezentativu JICA Timor-Leste) asina mos akordu Fundu Gratuita ba projetu JDS ne'e.

Objetivu husi projetu JDS ne'e (ne'ebe agora dadauk implementa hela iha nasaun 16) mak atu suporta dezenvolvimentu rekursu umanu ba funsionariu públiku, liu-liu funsionariu públiku foin-sae sira iha Timor-Leste, ne'ebe sei halo formulasaun no implementasaun ba planu dezemvolvimentu sosial no ekonomia, ho esperansa atu sira bele sai mos lider iha futuru, liu husi simu bolseiru JDS sira atu estuda iha universidade sira iha Japaun. Projetu ida ne'e mos iha objetivu atu hametin liutan relasaun entre Timor-Leste no Japaun.

Iha tinan 2019 ida nee, bolseiru JDS nian ba dahuluk sei desloka ba Japaun. Tinan 2019 ida ne'e hanesan aniversariu ba projetu JDS no aniversariu ba kooperasaun entre Governu Japaun no Timor-Leste ba dala-20. Embaixada Japaun no JICA iha Timor-Leste senti kontenti tebes atu bele introdus projetu nee iha Timor-Leste iha tinan ida ne'ebe espesial tebes. Bolseiru nain 8 sei halao kursu mestradu nian iha area hanesan: melhoramentu ba administrasaun públiku no sistema legál; melhoramentu prestasaun servisu; dezemvolvimentu rural no industria; melhoramentu ba transportasaun/urbana no mos dezemvolimentu ambiental. Lingua nebe sei uja ba estudu mak Inglés.

Ho programa ida nee, bolseiru sira sei hetan matenek, halo peskiza, no harí relasaun umana nebe diak iha Universidade sira iha Japaun. Wainhira sira fila fali mai sira nia servisu fatin iha Timor-Leste, sira sei uza fali matenek nebe sira hetan atu halo asaun ne'ebe ativu hodi bele rezolve problema sira iha dezenlvolvimentu sosial no ekonomia ne'ebe Timor-Leste hasoru.