Informe de Proyecto

Proyecto Minka Sumak Kawsay Chimborazo markapi wakchayay kawsayta uriyachinkapak yanaparikkunami, Quito villapi kallari tantakuyta rurarkakuna.

Chay tantanakuypika Proyecto ukupi imalla paktachinakunata yuyarishkakunatami rikuchirkakuna, shinallatak Riobamba, Colta, Guamote kitikunapak sukta llaktakunapi kallari llankaykuna imashina paktakushkatapishmi riksichinata usharkakuna. Chay tantakupika Agencia de Cooperación Internacional de Japón (JICA)pak alli ñanta rikuchik Japón mamallaktamanta Narihide Nagayopish wankurirkami, payllaktakmi raymi killapi kay Proyecto imashina paktakukta shinallatak alli ñanta katichunmi yanparikunata rurarka. Nagayoka kay shinallatak shukta Proyecto Bolivia mama llaktapi JICA imashina paktachikushkatapishmi parlarka shinallatak paypak yanaparishkmantaka ashka allí yuyaykunatami kurka Chimborazo markapi sumak kushiyari llankaykuna paktachun. “Llaktakunapak kawsayta allichinkapakka payllatak paktari nishkami tiyan. Alli rikurikunata charinkapakka ayllullaktakunapi kawsak mashikunatami yuyaypi apana, paykunami yuyaypipash ruraypipash shuk shina tukunkakuna, alli wiñari kawsaytaka Ecuador mama llaktamanta runakunapak kallarikunallawanmi
ruray usharin, nishpami Nagayo rikuchirka.

Foto:Ana Patricia Lozada, representante de AGECI; Saburo Yamaguchi, representante residente de JICA y el Prefecto Provincial de Chimborazo Mariano Curicama.