Shughuli katika Tanzania

Katika ushirikiano wake na Tanzania, Japan ilichagua sekta za kilimo na miundombinu kama sekta za kupewa kipaumbele katika ushiriakiano huo. Hata hivyo ili mafanikio yapatikane katika sekta hizo ni muhimu kuwe na utawala bora katika ngazi za Serikali za mitaa. Umuhimu huo unaongezeka hasa kwa kipindi hiki ambapo mchakato wa upelekaji wa madaraka mikoani unaendelea kwa kasi Programu ya Marekebisho ya Serikali za Mitaa ilianzishwa mwaka 2000 kwa madhumuni ya kuweka mfumo wa upelekaji wa madaraka mikoani na uendelezaji wa uwezo wa Mamlaka za Mitaa, ambapo programu inasimamiwa kupitia usaidizi wa mfuko wa pamoja unaofadhiliwa na Serikali ya Tanzania pamoja na wabia wa maendeleo.

Awamu ya kwanza ya Programu hii ilimalizika mwezi Juni 2008, na baada ya kipindi cha mpito cha mwaka mmoja, awamu ya pili ilianzishwa katika mwaka wa fedha wa 2010. Japani ilianza kuchangia Yen milioni 50 kwa mwaka toka mwaka 2009 ili kusaidia jitihada za kupunguza umaskini zinazofanyika katika ngazi ya umma hususani katika maeneo ya vijijini.