Сүүлийн жилүүдэд тээврийн хэрэгслийн тоо эрс нэмэгдсэнтэй холбоотойгоор Улаанбаатар хотын замын түгжрэл ихэсч, замын хөдөлгөөний аюулгүй , найдвартай байдал алдагдахад хүрээд байна. Иймээс хотын өмнөд хэсгийн үйлдвэрийн бүс болон баруун хэсгийн засаг захиргаа, худалдаа үйлчилгээний бүсийг холбосон төмөр зам дээгүүрх автомашины гүүрэн гарц барих төслийг Япон улсын буцалтгүй тусламжаар хэрэгжүүлэх гэж байна.