Монгол улсад хэрэгжүүлж буй төсөл хөтөлбөрүүд

Монгол улс зах зээлийн эдийн засагт шилжснээр гадаадаас ирэх зорчигч, жуулчдын тоо жилээс жилд өсөн нэмэгдэж байна. Гэтэл одоогийн Чингис хаан олон улсын нисэх онгоцны буудлын урд ба зүүн талаараа уул толгодоор хүрээлэгдсэн газарзүйн байршил болон байгаль цаг уурын нөхцөл нь онгоцны хөөрөх ба буух үйлдлүүдийг хязгаарлаж, нислэг хойшлох, саатахад нөлөөлдөг. Хөнгөлөлттэй зээлийн хөрөнгөөр хэрэгжүүлэх энэхүү төслөөр агаарын тээврийн салбарын эрэлтэд нийцсэн Улаанбаатар хотын шинэ нисэх онгоцны буудлыг барьж, дээрх асуудлыг цогцоор нь шийдэхээр зорьж байна.