Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Ujumbe kutoka kwa Mwakilishi Mkuu

Niliwasili Dar es salaam Machi 2019 kuchukua nafasi yangu mpya ya kuwa Mwakilishi Mkuu wa Ofisi ya JICA nchini Tanzania, nikichukua nafasi ya mtangulizi wangu Bwana NAGASE Toshio.

Ingawaje hii ni mara yangu ya kwanza kufanya kazi Afrika, ningependa kuchangia katika maendeleo ya Tanzania kwa kutumia uwezo wangu wote na uzoefu wangu wote.

Ukanda huu wa Afrika ambao unajumuisha Jamhuri ya Muungano wa Tanzania ulikua ni kitovu cha biashara kwa muda mrefu kati ya Afrika Mashariki na nchi za Uarabuni na India. Hii ilitokana na ukweli kwamba ukanda huu unapakana na Bahari ya Hindi. Lugha ya Kiswahili ambayo sasa ndiyo lugha ya Taifa ya Tanzania ilitumika katika biashara hiyo ya kimataifa. Muingiliano wa Afrika na Bara la Asia (hasa Uarabuni), uliasisi lugha hiyo pekee katika mwambao wa Afrika Mashariki.

Tanzania ina zaidi ya makabila 120 lakini yote hayo yameunganika na kuwa nchi moja, kila kabila likitambua uwepo wa kabila jingine. Na lugha ya Kiswahili imetoa mchango mkubwa kuwaunganisha Watanzania. Rais wa kwanza wa Tanzania, Mwalimu Nyerere alikifanya Kiswahili kuwa lugha ya Taifa na hivyo kuchangia katika kuliunganisha Taifa. Isitoshe kama njia mojawapo ya kuunganisha Taifa, Mwalimu Nyerere alihakikisha kwamba wakati anajaza nafasi mbalimbali alihakikisha kwamba anawapa vyeo watu kwa kuzingatia ulinganifu wa makabila. Sera hii ya kuunganisha nchi imerithishwa kutoka kizazi hadi kizazi na hii imeleta utengamano wa kitaifa.

Nitajitahdi kufanya kila nimezalo kufanya JICA iwe ya manufaa kwa Tanzania, Afrika Mashariki na Afrika kwa ujumla. Na ninataka watu wengi waijue Tanzania. Ni matumaini yangu kwamba kupitia mashirikiano haya ushirikiano mpya utajengwa kati ya Tanzania na JICA. Tunawakaribisheni nyote kufika katika Ofisi za JICA nchini Tanzania.

Aprili 2019
YAMAMURA Naofumi
Mwakilishi Mkuu
Ofisi ya JICA Tanzania

Photo

PAGE TOP

Copyright © Japan International Cooperation Agency