Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Project News

2018-01-30

[No.24] Agrikultór sira iha Maliana observa rasik rezultadu Plot Komparasaun husi Projetu

Agrikultór 42 iha Maliana I ne'ebé partisipa iha Projetu nia Plot Komparasaun kuda babain no kuda liña durante segundu époka tinan kotuk haksolok tebes tanba observa rasik levantamentu rezultadu Produsaun husi Plot komparasaun ne'ebé hala'o husi Projetu. Rezultadu jerál husi levantamentu rezultadu produsaun ne'e hatudu katak kuda liña iha rezultadu produsaun diak liu kompara ho kuda babain. Agrikultór ne'ebé tuir duni instrusaun husi Projetu hodi tau-matan ba sira nia natar ho regular liuhusi kontrola bee no du'ut konsege hetan rezultadu ne'ebé diak.

Levantamentu rezultadu Produsaun husi Plot komparasaun ne'ebé hala'o husi Projetu ho nia intensaun atu ajuda agrikultór sira observa direta benefisiu lolos husi tékniku kultivasaun kuda liña no fornese ba sira koñesementu kona-ba importansia husi supervizasaun regular ba sira nia natar.

Sra. Maria da Costa (42), agrikultór husi Odomau konsege produz 47,8kg iha kabubu ne'ebé aplika kuda liña (medida 0,017 hektar), kabubu ne'ebé kuda babain produz deit 34kg (medida 0,015 hektar). Sra. Maria hakfodak ho rezultadu husi levantamentu ne'e tanba nia hanoin katak nia labele produz ho montante hanesan ne'e bainhira la uza adubu. Uluk nia uza adubu kimiku hodi ajuda nia hasa'e produsaun, maibe depoiz nia involve tiha iha Projetu nia atividade, nia hahu kompriende katak ho deit kontrola ne'ebé regular mós bele ajuda nia hasa'e produsaun la presiza tan uza adubu kimiku. Nia hatete katak ba époka ne'e, nia sei kontinua serbisu hamutuk ho Projetu hodi haluan tan kuda liña iha nia natar ba kabubu 4 ka 5.

Sr. Nariyoshi Odashima, Péritu husi Japaun kona-ba Tékniku Kultivasaun hatete katak Plot Komparasaun introduz ba agrikultór sira ho skala ki'ik ho intensaun atu ajuda sira hodi kompriende ho fasil efetividade husi kuda liña. Nia hakarak kada agrikultór sira atu kompriende katak liuhusi observasaun ne'ebé regular iha sira nia natar, kontrola bee no du'ut bele ajuda hasa'e produsaun. Sr. Odashima hein katak liu husi observa Levantamentu Rezultadu Produsaun, agrikultór sira bele muda sira nia mentalidade kona-ba kuda liña no bele foti desizaun rasik hodi bele implementa kuda liña iha sira nia natar ba époka tuirmai, iha sorin seluk agrikultór sira mós bele kompriende liutan kona-ba maneira saida mak sira tenke halo hodi hasa'e produsaun.

PhotoFoto (Karuk): Plot komparasaun depois loron 30

PhotoFoto (Kuana): Plot komparasaun iha faze hare komesa sai


PhotoFoto (Karuk): Mr. Amaro, MAF nia Diretór Nasionál ba Agrikultura, Hortikultura & Extensaun no Sr. Odashima vizita Plot Komparasun iha Suku Raifun

PhotoFoto (Kuana): Agrikultór iha Raifun kolleta Plot Komparasaun


Photo(Foto rua iha leten) Projetu nia Pessoál Monitoriamentu hala'o Levantamentu Rezultadu Produsaun.


PAGE TOP

Copyright © Japan International Cooperation Agency