Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Project News

2018-02-15

[No. 26] Projetu fó sai rezultadu husi Plot Komparasaun ba agrikultór sira iha Buluto!!

Projetu finalmente fó sai rezultadu kolleta Plot Komparasaun ba agrikultór 12 ne'ebé partisipa iha Projetu nia programa durante époka segundu tinan kotuk. Levantamentu ba rezultadu produsaun Plot Komparasun ne'e konfirmadu katak kabubu ne'ebé aplika kuda liña produz barak liu dúke kabubu ne'ebé aplika kuda babain, levantamentu ne'e hatudu katak rezultadu normal kuda liña ba hektar 1 mak 3,930 kg no kuda babain ba hektar 1 produz deit 2,797 kg.

Agrikultór 12 ne'ebé partisipa iha Projetu nia programa tinan kotuk haksolok tebes ho rezultadu Plot Komparasaun tanba ne'e iha époka ida ne'e sira hahú muda sira nia hanoin hodi aumenta tan area kuda liña iha sira nia natar.

Sr. José Viegas (40) agrikultór husi suku Lifau konsege produz 188kg iha kabubu ne'ebé aplika kuda liña ho medida 274 metru kuadradu, enkuantu kabubu ne'ebé aplika kuda babain ho nia medida 147 metru kuadradu produz deit 84,3kg. Sr. José hakfodak tebes ho rezultadu ne'e, iha époka ida ne'e nia desidi atu konfirma dala ida tan kuda liña nia vantajen liuhusi haluan tan area kuda liña ba kabubu rua ka tolu. Sr. Jose apresia ba Projetu nia tulun ba agrikultór sira hodi hasa'e produsaun. Enkuantu nia husu ba Projetu atu tau mós atensaun ba preparasaun rai no prosesu prepara finin. Agrikultór seluk husi Vemasse Tasi Sr. Elias Soares mós hakfodak ho levantamentu rezultadu produsaun tanba ne'e iha époka ne'e nia haluan tan area kuda liña iha nia natar ba kabubu rua.

Sr. Odashima Nariyashi, Japaun nia Péritu ba Tékniku Kultivasaun hatete katak levantamentu rezultadu produsaun husi kuda liña diak tebes tanba ne'e nia hein katak agrikultór sira ne'ebé observa rezultadu levantamentu ne'e sei motivadu atu aplika tékniku sira ne'ebé hanorin husi Projetu iha sira nia natar ba époka ne'e. Nia realsa katak agrikultór ne'ebé maneja no halo kontrolu ne'ebé regular ba sira nia natar bele hasa'e produsaun. Adisionalmente, Sr. Odashima dehan katak durante époka segundu tinan kotuk agrikultór oituan deit iha Buluto mak kultiva sira nia natar tanba bee husi irigasaun menus tanba ne'e nia husu agrikultór sira iha area ne'ebá atu tuir normalizasaun kaléndariu kultivasaun ne'ebé propoin husi MAF no Projetu.

Projetu sei kontinua serbisu hamutuk ho agrikultór tuan sira hodi asegura katak sira aplika duni tékniku sira ne'ebé hanorin ona husi Projetu ho lolos no bele maneja rasik sira nia natar.

PhotoPlot Komparasaun iha Buluto durante hare sai.

PhotoPlot komparasaun iha Buluto durante hare tasak.


PhotoProjetu hala’o Levantamentu Rezultadu Produsaun (1).

PhotoProjetu hala’o Levantamentu Rezultadu Produsaun (2).

PAGE TOP

Copyright © Japan International Cooperation Agency