Project News

Iha époka dahuluk tinan ne'e iha Buluto Projetu kontinua hakbesik ba agrikultór foun 42 hodi implementa Plot Komparasaun kuda liña no kuda babain . Programa ne'e nu'udar Projetu nia esforsu atu introduz tékniku kultivasaun ba agrikultór barak liutan iha area ne'ebá.

Agrikultór sira ne'ebé partisipa iha projetu nia programa iha époka ne'e haksolok tebes atu koko ekipamentu kuda liña hanesan markadór liña ne'ebé introduz husi Projetu. Agrikultór sira mós antuziasmu tebes atu serbisu hamutuk ho ekipa Projetu no aprende liutan kona-ba tékniku kultivasaun kuda liña. Ba Buluto iha époka ne'e, Projetu implementa ona Plot Komparasaun ba agrikultór 8 husi agrikulultór 42 ne'ebé sai nu'udar Projetu nia alvu.

Depoiz kompleta tiha plot komparasaun iha nia natar, Sr. Jil Analiva Soares (58) agrikultór husi Vemasse Tasi nota kedas efetividade husi markadór liña tanba ne'e nia oferese tan kabubu tolu hodi aplika kuda liña. Sr. Jil dehan katak babain nia ho nia kaben bele kuda deit kabubu rua loron ida maibe, ho tulun husi Markadór Liña iha loron ida sira konsege kuda kabubu tolu ka liu. Sr. Jil fó obrigadu ba Projetu tanba ajuda agrikultór hanesan nia hodi kompriende kona-ba tékniku kultivasaun hare no ajuda minimiza gastu adisionál hodi freta ema atu kuda hare.

Sr. Nariyashi Odashima, Japaun nia Péritu ba Tékniku Kultivasaun hatete katak iha époka ne'e, Projetu sei monitoriza besik liutan progresu husi Plot Komparasaun no kontinua fórnese asisténsia tékniku ba agrikultór foun hamutuk 42. Nia subliña katak komunikasaun no aprosimasaun ne'ebé regular ho agrikultór sira importante tebes hodi ajuda sira troka neneik sira nia hahalok ho maneira ne'ebé diak.

Agrikultór foun husi Vemasse Tasi observa ho atensaun Pessoál Monitoriamentu dada hela markadór liña.

Depoiz hanorin tiha husi Projetu nia Pessoál Monitoriamentu kona-ba uza markadór liña tuirmai agrikultór sira bele marka rasik sira nia natar.

Agrikultór sira hahú kuda liña depoiz sira nia natar marka ho markadór liña (1).

Agrikultór sira hahú kuda liña depoiz sira nia natar marka ho markadór liña (2).

Preparasaun rai agora dadaun iha Buluto (1).

Preparasaun rai agora dadaun iha Buluto (2).