Project News

Tinan kotuk, agrikultór sira iha Laleia no Vemasse hasoru difikuldade atu hetan mákina baku hare depois kolleta. Tuir observasaun depoiz kolleta agrikultór sira tenke hein to'o semana rua ka liu iha natar hodi aluga mákina baku hare. Tanba menus mákina baku hare agrikultór sira labele baku sira nia hare lalais no faan tuir tempu ba ACELDA. Hare nia kualidade negativamente afeta tanba rai kleur liu iha loron manas no udan laran. Atu Rezolve kestaun iha leten, Projetu fornese mákina baku hare walu ba agrikultór sira iha área ne'ebá hodi nune'e sira bele fasíl asesu ba mákina baku hare depoiz kolleta.

Sra. Maria Odete do Céu Guterres, Diretór jerál ba Agrikultura husi MAP agradese ba Projetu nia kontinuasaun apoiu hodi ajuda agrikultór sira hasa'e produsaun no asesu ba merkadu hodi faan sira nia hare. Nia husu ba grupu agrikultór sira iha Laleia no Vemasse atu uza mákina baku hare ho responsabilidade ba benefisiu agrikultór tomak. Aliende ne'e, Sra. Odete husu ba agrikultór sira atu labele depende maka'as ba governu no iha motivasaun liutan atu hasa'e produsaun no aumenta sira nia rendementu hodi nune'e sira bele hola rasik mákina baku hare iha futuru.

Sr. Masafumi Nagaishi, Xefi Reprezentante JICA iha Timor-Leste apresia tebes ho MAP no Projetu tanba promove foos rai iha nasaun ne'e. Nia subliña katak kordenasaun hamutuk entre Projetu, MAP no Ministériu Komersiu no Industria (MCI) importante tebes hodi establese kadeia de valór husi Produsaun, distribuisaun no faan foos rai iha Timor-Leste. Nia hein katak liuhusi entrega mákina baku hare sira ne'e sei ajuda agrikultór sira asegura sira nia produtu no gasta tempu menus iha natar.

Iha parte seluk, depois anunsia tiha regulamentu husi màkina baku hare ba membru agrikultòr sira seluk, representante husi Laleia no Vemasse agradese ba Projetu nia ajuda tanba responde ona sira nia nesesidade ba màkina baku hare. Sira Agradese tebes tanba Projetu hakmaan ona difikuldade balu ne'ebè sira hasoru durante kolleta, sira hakarak tebes atu uza màkina foun sira ne'e iha èpoka dahuluk tinan ne'e ne'ebè sei hala'o iha fulan Juñu.

Ambiente husi seremonia entrega mákina baku hare.

Sra. Odete, Sr. Fernando Egidio Amaral, Diretór Nasionál Agro Komersiu, MAP no Sr.Nagaishi revista mákina baku hare.

Reprezentante husi asosiasaun agrikultór simu operasaun Manual mákina baku hare husi MAP

Mákina baku hare ne'ebé fornese ba agrikultór sira

Sr. Nagaishi koko mákina baku hare