Гадаадын шууд хөрөнгө оруулалтыг нэмэгдүүлэхэд чиглэсэн чадавхийг бэхжүүлэх төсөл
Монгол
2010 оны 7 сарын 30
Гадаадын Хөрөнгө Оруулалтын Газар
2010 оны 11 сарын 1 нээс 2013 оны 5 сарын 30
Гадаадын Хөрөнгө Оруулалтын Газар, Гадаад Харилцааны Яам
Монгол улс 1990-ээд оноос чөлөөт зах зээлийн эдийн засагт шилжиж, хувьчлалыг эрчимтэй явуулж эхэлсэн ба 1997 онд Дэлхийн Худалдааны Байгууллагад (WTO) элсэн орсон. Үүнтэй холбоотойгоор шууд болон шууд бус худалдаа, хөрөнгө оруулалттай холбоотой хууль журмуудад зохих өөрчлөлтүүдийг хийсээр ирсэн. Эдгээр өөрчлөлтүүдэд хөрөнгө оруулалтыг хэрхэн хамгаалах, ажлын байр бий болгох, үйлдвэрлэлийн нэр төрлийг нэмэгдүүлэх асуудлуудыг мөн тусгасан байдаг.
Мянганы хөгжлийн зорилтод суурилсан 2021 он хүртэлх урт хугацааны үндэсний хөгжлийн цогц бодлогод (2008) экспортод чиглэсэн үйлдвэрлэл, хувийн сектор тэргүүлсэн эдийн засгийг хөгжүүлэх зорилтуудыг тавьсан. Ингэхдээ 2007-2015 онуудад жилийн эдийн засгийн өсөлтийг 14 % аас дээш, нэг хүнд ногдох дотоодын нийт бүтээгдэхүүнийг 5,000 $ аас багагүй байлгах зорилтыг тавьсан. Харин 2016- 2021 он хүртэлх хугацаанд эдийн засгийн өсөлтийг 12 %, нэг хүнд ногдох дотоодын нийт бүтээгдэхүүнийг 12,000$-аас багагүй байлгаж мэдлэгт суурилсан эдийн засаг бүхий дундаж орлоготой орон болох зорилтыг тавиад байна.
Түүнчлэн Засгийн Газрын 2008-2012 он хүртэлх 4 жилийн үйл ажиллагааны төлөвлөгөөнд үйлдвэрлэлийг нэмэгдүүлэх, экспортод чиглэсэн хувийн секторыг хөгжүүлэхийн тулд “Нэг цонхны үйлчилгээ”- г нэвтрүүлэх зэргээр гадаадын шууд хөрөнгө оруулалтын орчныг сайжруулах зорилтууд тусгагдсан.
Гадаад худалдаа, гадаадын хөрөнгө оруулалтыг нэмэгдүүлэхийн тулд экспортын бүтээгдэхүүний нэр төрлийг нэмэгдүүлэх, холбогдох мэдээллийг цуглуулах, гадаад зах зээлийг өргөжүүлэх асуудал нэн чухал юм. Мэдээллийн болон дүрэм журмын ил тод бус байдал, төрийн албан хаагчдын авилга хээл хахууль авах явдал, бизнесийн үйл ажиллагаа явуулахад учирдаг олон төвөг бэрхшээл шат дамжлага, шаардлагатай зөвлөгөө мэдээллийн хангалтгүй байдал зэрэг нь гадны бизнес эрхлэгчдийн Монголд хөрөнгө оруулахад сөргөөр нөлөөлж байна.
Эдгээр нөхцөл байдлын улмаас Монголын Засгийн Газар Япон улсын Засгийн Газарт хандан техникийн хамтын ажиллагааны төсөл хэрэгжүүлэх хүсэлт тавьсны дагуу ЖАЙКА Байгууллагаас Гадаадын Хөрөнгө Оруулалтын Газар болон холбогдох бусад байгууллагуудын чадавхийг бэхжүүлэх төслийн урьдчилсан судалгааны багийг 2010 оны 4 сард Монголд илгээж 2010 оны 8 сарын 5-нд 2 тал хэлэлцээрт гарын үсэг зурсан билээ.
Энэхүү төслийн гол зорилго нь Монголын хөрөнгө оруулалтын үйлчилгээг сайжруулах явдал бөгөөд, хувийн секторын оролцоотойгоор “хөрөнгө оруулалтыг дэмжих үйл ажиллагааны төлөвлөгөө” боловсруулахад дэмжлэг үзүүлэх (үр дүн 1), ГХОГ-ын хувийн секторт чиглэсэн хөрөнгө оруулалтын үйлчилгээний чадавхийг бэхжүүлэхэд ( үр дүн 2) чиглэгдэнэ.
Япон тал
Япон талын мэргэжилтэн
"Эксперт
<хамтрагч байгууллагад чиглэсэн сургалт/ Япон улсад болон гуравдагч оронд туршлага судлах аялал>
Монгол тал
(Монгол тал) боловсон хүчин
Төсөлд зориулсан албан өрөө
Зохион байгуулалтын бүтэц:
(1) Гүйцэтгэгч байгууллага:
- Гадаад Харилцааны Яам
- Гадаадын Хөрөнгө Оруулалтын Газар (ГХОГ)
Бусад холбогдох байгууллагууд
(2) Дэмжих бүтэц:
Зөвлөх баг