Төслийн талаарх мэдээлэл

ЖАЙКА СТАРТ2 төслийн баг нь та бүхэнтэй хамтарч тэгш хамран сургах боловсролыг үндэсний хэмжээнд түгээн дэлгэрүүлэх зорилт тавин ажиллаж байна. Энэ ажлын хүрээнд нийслэлийн 25 сургуулийг түгээн дэлгэрүүлэх зорилтот сургуулиар сонгон^[1] энэ хичээлийн жилийг дуустал буюу 2022 оны 5 дугаар сарыг дуустал хэрэгжүүлэх төлөвлөгөөгөө сургууль тус бүр боловсруулан үйл ажиллагаагаа эхэллээ.

Зорилтот сургуулийн нэг болох "Оюуны ундраа"цогцолбор сургуулийн талаар та бүхэндээ танилцуулъя.

"Оюуны ундраа"цогцолбор сургууль Баянгол дүүрэгт оршдог. 1997 оноос дүүргийн бусад сургуулиудад загвар болох зорилгоор цогцолбор сургууль болж байгуулагдсан, 12 жилийн сургалттай, нийт суралцагч хүүхдийн тоо 5000 гаруй томоохон сургууль болно.

Тус сургууль маань тэгш хамран сургах боловсролыг дэмждэг сургууль болохоор дараах 3 зорилтыг дэвшүүлжээ.

1. Сургуулийн дэмжлэгийн багийг байгуулж, хөгжлийн бэрхшээлтэй хүүхэд нэг бүрийн хөгжлийн онцлог, хэрэгцээ, шаардлагыг зөв тодорхойлж, тохирох дэмжлэг буюу тусгай хэрэгцээт боловсролын үйлчилгээг үзүүлэх төлөвлөгөөг боловсруулан,
2. Хүүхдийн бодит байдлын судалгааг хийж, сургуулийн орчин нөхцлийг сайжруулах, хүүхдэд ээлтэй орчин бүрдүүлэх,
3. Хүүхдийн хөгжлийн ахиц, онцлогт тохируулан багш ганцаарчилсан сургалтын төлөвлөгөөг боловсруулан^[2] төлөвлөгөөгөө үнэлж хэлэлцэн, өдөр тутмын амьдрал дээр болон суралцах явцад гарах бэрхшээлийг арилгах .

Дээрх зорилтыг биелүүлэх үйл ажилагааны төлөвлөгөө нь 5 үндсэн бүлэгтэй 1. Сургуулийн дэмжлэгийн багаас зохоин байгуулах хурал, сургалтууд, бодит байдлын судалгаа 2. Хана, шатны бариул, налуу шат, тайвшрах орчин зэргийг бүрдүүлж орчныг бүрдүүлнэ 3. Тохирох хэрэглэгдэхүүн шаардлагатай хүүхдийн болон бусад бүх хүүхдийн хэрэгцээг хангасан анги, бүлгийн зохион байгуулалт, менежмент^[3] 4. Тохирох хэрэглэгдэхүүн шаардлагатай хүүхдийн хэрэгцээнд нийцсэн хэрэглэгдэхүүн боловсруулах, мөн 5. Ганцаарчилсан сургалтын төлөвлөгөө-ний дагуу суралцахуйн үнэлгээ хийх

Ирэх оны 2 дугаар сард сургуулиудад мониторинг хийн 2022 оны 5 дугаар сар хүртэл ямар үйл ажиллагаа хэрэгжүүлэх талаар зөвлөгөө өгөхөөр төлөвлөж байгаа бөгөөд нийт сонгогдсон 25 сургууль маань бүгд санаачлагатай ажиллаж, тэгш хамран сургах боловсролыг дэмждэг загвар сургууль болно гэдэгт итгэлтэй байна!