Proyectopak Rurakuna

Kaypi clickta aqui para verla en mapa de proyecto (PDF/227KB)

(Kaypi clickta rurapay shuyuta yatun yachishpa rikunki )

Kay ishkay watapi proyecto rurarikukpika, llankayñantami rurashun Murukunata-Wiwakunata Wiñachipi, Kawsaypachapi, Alli hanpiripi shinallatak Yachaypipish, tukuy kaykunami ashka maymutsuriy kan wakchayay kawsayta uriyachinkapak, kashnami mamallaktapak kamaykunawan llankaytukushun.
Consejo Provincial de Chimborazo, MAGAP (Ministerio de Agricultura, Ganadería, Acuacultura y Pesca), Ministerio de Ambiente, Ministerio de Salud Pública, Ministerio de Educaciónpish kay wankuripi tantarishpa llankakkunami kan, ashtawankarin Consejo Provincial de Chimborazomi punta pushak kan.
Kay proyectopak imallata rurashkakuna rikurichunka, sinchiyachinami kanchik maymutsuriyta tukuy llaktakunapi sumak kawsayta wiñachinkapak. “punta nikipika imalla llakikuna tiyashkatami riksikchayana kanchik” ishkay nikipika llankayñantami ruranakanchik tukuy llaktakunapi sumak kawsayta wiñachinkapak, proyectopak llankaykuna rurarikukta allí kamana kanchik.
Chimborazo markapi pusak akllashka ayllu llaktakunapimi kay proyectoka rurarinka, mutsuriykunata tarishpa, llankayñanta rurashpa shinallatak kallarik proyectokunatapish rurashpa.
Llakta runakuna imalla yuyaykunata nishkami ashka maymutsurik kan, sumak kawsayta charinkapakka, kay kallarik proyectoka parlankami punllanta minkapi llankanata ashtawan allí kashkamanta. Kay proyectopak paktay yuyayka kanmi, ayllullaktakunallatak paykunapak yuyaykunawan allí kawsayta wiñachishpa kawsachun, kallari proyecto tukurikpipish. Proyectopak shutika kanmi “Minka Sumak Kawsay” kay shimikunami proyectopak paktay yuyay kan.
JICAka yuyarishkami, kay kallari proyecto allí rikpika pishka watawan llankankapak, shamuk mushuk proyectokunawan.

Kay proyectomi ruranka chikan chikan yuyakkunata pallashpa tukuy ayllu llaktakunapi sumak kawsay wiñarichun, shinallatak rurankami sukta ayllu llaktapakkunapak llankayñanta Murukunata-Wiwakunata wiñachipi, Kawsaypachapi, alli Hanpiripi, shinallatak Yachaypipish Chay kipami kallari proyectokunata rurashun, kay tukuy alli rurarichunka allimi pushana kanchik, kayshun wankurikkunantik. Consejo Provincial de Chimborazomi punta pushak kan, shinami MAGAP, Ministerio de Ambiente, Ministerio de Salud Pública shinallatak Ministerio de Educaciónpish tantarishpa llankakmi kan.
Comité de Coordinación Conjuntaka llankanmi Consejo Provincial de Chimborazowan, Direcciones Centrales Ministeriokunawanpash. Kay hatun kamaymi rikun imashina proyecto rikushkata shinallatak proyectopak maymutsurik allí yuyaykunatapish, shinami watapika iskaykutin tantarinkuna.
Proyectopak Comisión Operativa kamayka llankanmi Consejo Provincial de Chimborazowan shinallatak Direcciones Provinciales de Ministerios wankurikkunapish. Paykunami allí yuyaykunata pallashpa pushakkuna kan. Paykunaka tantanakunmi killapika shukkutin.
Kay proyectopika tiyanmi chikan chikan llankayta tantarishpa kamakkuna: Shinami, kamachikkamay, Murukunata-Wiwakunata wiñachipi, Kawsaypachapi, alli Hanpiripi, shinallatak Yachaypipish wankurishpa kamak runakunawan. Paykunaka tantanakunkunami proyectopak imalla mutsurikuna tiyakpilla.
Llankayta kamakkunaka Consejo Provincial de Chimborazomanta shinallatak JICAmanta allí yachakkunapishmi tantarinkuna, paykunami rikunkuna proyectopak imalla rurarina kashkata. Tantarishpa llankakkunaka Consejo Provincial de Chimborazopi llankak runakuna, shinallatak Direcciones Provinciales Ministeriopi llankak runakunapish tantarinkuna, paykunami rikunkuna, rurankuna llankayñankunata shinallatak llaktakunapak llankayñan wiñarikñantapish pishka allí kawsayman apak llankaykunapi.
Proyectopak yachak runakuna, llaktapi llankakkuna, shinallak markapak chikan chikanmanta wankurinkunami tukuy llankayñanpi imashina nishkata paktachinkakuna.

Llankayñanka kaykunatami paktachina kan:

1. Imalla llakikunata akllashpa,
2. Imashina llankayñanpak ruranakunata killkashpa.
3. kamashpa, rurashpashpa shinallatak imalla llankayñanpi killkashkata paktachishpa.

Llaktapak llakikuna hawaka rurashunmi, imalla llakikuna tiyashkata tarishpa, mutsurikunatapish.
Llaktakunapi taripaykunata ruranaka ashkami allí kan, llaktakuna imashina kawsay kashkata yachakchayankapak, shinallatak uktalla llankayñantapish, chashna rurashpami ñawpaman ruraykunata, kunan rurayta shinallatik shamun ruraykunatapish rikuy tukunchun kay proyecto allí kamachunka.
Kay proyectoka kay ruraykunatami paktashpa ruranka:

1. Tukuy kallari llaktakunapi imalla tiyashkata chinpapura tapushpa llaktata pushakkunata.
2. Markapak kawsayta rikuchikkunata yachakchayashpa.
3. Kallarik llaktakunapi wakinlla runakunapak yuyayta tarishpa.
4. Kallarik llaktakunapak shuyuta rurashpa.
5. Shinallatak llakta ayllukupak imashina kawsay kashkata tarishpapish.

Tukuy llaktapak llakikuna shinallatak mutsurikunapish ashkami allí kan, PCM nishka yachayta paktalla rurankapak, shinami tukuy kallarik llaktakunapi tukuylla kawsak runakunaka yuyaykunata rikuchina kan, ashtawankarin llaktakunapi imalla llakikuna tiyashkata shinallatak mutsurikunatapish pallaytukunkapak.
Llankay ñan ruraykunapika ñami rurashka kan imashina llaktakunapi allí kawsay wiñarik ñan paktachun, shinami ashka allí kan llaktapi kawsak runakuna paykunapak llakikunata rikuchichun shinallatak mutsurikunatapish llakta tantaripi.
Ña, imashina allí kawsaypak wiñari ñanta rurashka kipaka, ashtawan allí yachak runakuna shamushpami ruranka llaktakunapak allí wiñarik llankayñanta, kay markapak yanapak shinallatak Japón manallaktamanta shamuk runakunwanpish, paykunami allí yuyaykunata karashpa sakinka.
Ña, tukuripika kay proyectokunapak imashina kullkita churana kashkatami rimashun tukuy kay proyectopi wankurikkunawan.
Imashina proyecto rurarikukpi shinallatak llankayñan kamakukypipish tukuy llaktakunapimi proyectokunaka ña rurarinka. Kay kallarik proyectokunataka punllantami rikurashun imashina rikushkata shinallatak ruraykuna paktashkatapish. Chashna rururashka kipami Chimborazo markapak llaktakunapi allí kawsay wiñarik ñantaka ashtawan mirachishpa katishun tukuy markapi.

Kay proyectopak imalla rurashkakuna allí richunka llaktakunapi willak chayanami ashka allí kan, chashna rurashpami sinchita pushay tukunshun tukuy kay proyecto ukupi wankurikkuna. Llakta runakunaman willanakarin ashkami allí kan, paykunapish punllanta riksikchayachun shinallatak kushilla yuyaykunawan purinchun, paykunallamantatik allí sumak kawsay wiñarichun wiñaypak.
Shinallatik kallari proyectokunapika chikan chikan ruraykunatami rurashun, allí willaykuna tiyachun tukuykunapak ashtawankarin yuyak yaya-mamakunapak.
Proyectoka kunan punllakunapika kay ruraykunatami rurashka.

1. Pankunapi killkata-shuyuta.
2. Uchilla willachik pirkata tukuy kallari llaktakunapak.
3. Anki uyaripi proyecto imalla rurashkata shinallatak rimashkatapish willashpa.
4. Uchilla pankakunapipish killkashkanchik.

Proyectopak pankakunapi killkata-shuyuta rurashka.

Kay pankakunataka ishkay killapimi llunchinchik “Minka Sumak Kawsaypak” shutiwan, chay pankapimi riksikchyachinchik proyecto imallata rurakuskakunata, wankurik runakuna yuyashkata kallarik llakta runakuna rimashkatapish. Kay pankakunaka Español-Kichwa shimipi killkashka kan, ishkay shimipi killkakpimi llakta runakunaka hamuntanka. Pankakunapika kaykunatami killkanchin:

1. Proyectopak ña rurikushkakunata.
2. Proyecto imallata rurashkata, rikuchiktapish.
3. Llakta runakunapak imalla allí ruraykunata killkashpa.
4. Llakta runakuna chimpapura parlashkata.
5. Markapi wankurik runakuna chimpapura rimashkatapish.

Pankakunapika killkanchikmi llakta runakuna chimpapura parlashkata shinallak kay proyectopi wankurik runakuna rimashkatapish.

Shuyu: Sarachupa llakta runakuna ñawirikun Minka Sumak Kawsaypak killkasha pankata. Guamote kitipimi sakirin, kay llaktaka kallarik proyectowan llankakmi.

Uchilla willachik pirka, sukta kallarik llaktakunapi

Kay proyectoka ñami uchilla willachik pirkakunataka sukta kallarik llaktakunapi shayachirka. Kay pirkapimi proyectopak willaykunata willanchin shinallatak yachakchayachinchikpishmi.
Kay pirkakunataka mutsuytukunmi kikkin llaktakunapak willaykunata shinallatak imalla ruraykunatapish.

Shuyu: Cecel San Antonio llaktapi uchilla willachik pirka. Riobamba kitipi. kay llaktaka kallarik proyectowan llankakmi.

Anki uyaripak willaykuna.

Chimborazo markapika ashka anki uyarikunami tiyan, chay anki uyarikunatami llakta runakunaka punllanta uyan. Kay proyectoka anki uyarikunapi (Español-Kichwa) ishkay shimipimi willan proyecto imallata rurakushkata.

Willanapak ruraykuna (uchilla-hatun pankakunapi killkay, shuktakkunapsih

Kay proyecto tukuy imallata rurakushkata willankapakka ishkay shimipimi killkashka kan, uchilla pankakunapi, hatun pankakunapipish, shinami llakta runakuna, wankurikkunapish riksik chayaytukun.

Shuktak ruraykuna.

Shamuk punchakunapak yuyarishkanchikmi anta rikuripi, pankakunapipish willankapak, chashna rurakpimi proyectopak tukuy imalla rurashkunaka allí rikurinka, llaktakunapi llankak runakunapish allita willachun.