Informe de Proyecto

Minka Sumak Kawsaypak Proyectoka Manejo del Ciclo del Proyecto nishkashinami rurarka shinami PCM nishkaka imalla llakikunata, mutsurikunata, allichikukunata, llankayñantapashmi paktachik kan, llakta runakunapak yuyaykunata pallashpa. PCM nishkaka kay sinchiyaykunatami rikuchin:

Sinchipuripi.-
Tukuy llankayñankunami ñawpaman yuyarishka kan, shinami proyectopak taripay rurayta paktachitukun, chaymi ashalla shimikunapi yuyakunata paktalla hapinapak rikurayanapakpish yanapan.

Paktaykunata katina.-
Llakikunata imamanta kashkata, imata rurak kashkatapish chimpapurakpimi yachakchayarin, tukuychaykunataka shuk mana allí yurata shinatami ruranchik, kipakapika chikan chikan llakikunata allichinkapakka, ima shinalla, imalla llankaykunata paktachitukuna kashkatami killkanchik.

Tukuylla yuyarina.-
Tantanakuy yachaykunapika yanapak institucionkuna shinallatak kay proyecto kallari llaktakunami wankurinkuna. Kay antakuynapimi tukuykuna paykunapak yuyaykunata rimankuna, tantanakushkapak ñawpakpimi ima yuyaykuna charishkatapish
rikuchinkuna.

Achiklla rikunalla.-
Tukuy tantarishkakunami allimi nishka kanakan yuyaykunata hamuntayashkata, llankayñantapish. Chaytaka, llakikunata, paktaktapish
yurakunapimi killkashpa rikuchishka sakirin. Kay PCM nishka shina, shinallatak iskun kallari llakta runakuna yuyarishkami ashtawankarin allí ñan kan, chashnami paktachitukun paykunallapaktak kallari yuyarishka wiñarik kawsayta.

Articulo de Revista del Proyecto “MINKA SUMAK KAWSAY” Número 03 (Septiembre, 2009)