06/12/2019
នារសៀលថ្ងៃសុក្រ ទី០៦ ខែធ្នូ ឆ្នាំ២០១៩ មន្ត្រីមកពីក្រសួងសាធារណៈការនិងដឹកជញ្ជូនចំនួន២០នាក់ បានធ្វើទស្សនៈកិច្ចពិនិត្យសកម្មភាពការដាក់ប្រព័ន្ធលូដោយប្រើបច្ចេកវិទ្យាខួងនៅការដ្ឋានសាងសង់របស់គម្រោងការពារទឹកជំនន់និងកែលម្អប្រព័ន្ធប្រឡាយ-លូក្នុងរាជធានីភ្នំពេញជំហានទី៤ ដែលមានប្រវែងសរុប ១,៥៨០ម៉ែត្រ និងជម្រៅ ៨ម៉ែត្រ។ វិស្វ័ករក្រុមហ៊ុនសាងសង់ តូអា បានពន្យល់អំពីបច្ចេកទេសខួងទៅកាន់មន្ត្រីដោយទស្សនាផ្ទាល់នៅការដ្ឋានសាងសង់ក្រោមដីដែលកំពុងដំណើរការម៉ាស៊ីនខួង។ បច្ចុប្បន្ន បច្ចេកទេសដាក់លូដោយមិនមានការកាយដី (បច្ចេកទេសខួង ក្រោមដី) ត្រូវបានអនុវត្តយ៉ាងទូលំទូលាយនៅតាមតំបន់ទីប្រជុំជនដែលមានទីតាំងតូចចង្អៀត និង មានចរាចរណ៍មមារញឹកខ្លាំង។ យើងខ្ញុំសង្ឃឹមថាមន្ត្រីនឹងយល់ដឹងច្បាស់អំពីវិធីសាស្រ្តនេះ ហើយទទួលបានជំនាញបច្ចេកទេសតាមរយៈគម្រោងនេះផងដែរ៕