15/07/2020
រដូវភ្លៀងបានចូលមកដល់ហើយ! ការអនុវត្តន៍គម្រោងការពារទឹកជំនន់ និងកែលម្អប្រព័ន្ធប្រឡាយលូជំហាន៤ ក៏នៅតែបន្តដំណើរការនៅតំបន់វត្តភ្នំខាងជើង និងទួលគោក ដោយឆ្ពោះទៅបញ្ចប់ការសាងសង់នៅឆ្នំា២០២១ខាងមុខដ៏ខ្លី។ ឧទាហរណ៍ ខាងក្រោមនេះគឺជាសកម្មភាពការដ្ឋានសាងសង់អាងត្រងកំណកភក់ក្រោមដីនៅក្រោមសួនច្បារមាត់ទន្លេ ទល់មុខក្រុមប្រឹក្សាអភិវឌ្ឍន៍កម្ពុជា (CDC)។ អាងក្រោមដីនេះមានបណ្តោយ១៤២,៥ម៉ ទទឹង១៤ម៉ ជម្រៅ៤ម៉ មានសមត្ថភាពស្តុកបរិមាណទឹកបាន ៦,៥០០ម៉ែត្រគូប និងបំពាក់ដោយស្ថានីយ៍បូមទឹកដែលមានសមត្ថភាពបូមចំនួន ១,៤ ម៉ែត្រគូបក្នុង១វិនាទី។ ក្រោយបញ្ចប់គម្រោង អាងក្រោមដីនេះនឹងអាចជួយដោះស្រាយបញ្ហាទឹកលិចនៅតំបន់វត្តភ្នំខាងជើង។
អត្ថបទ: ផ្នែកទឹក និងបរិស្ថាន ការិយាល័យចៃកាប្រចាំនៅកម្ពុជា
ប្រភពរូបភាព: មន្ទីរសាធារណការនិងដឹកជញ្ជូនរាជធានីភ្នំពេញ (DPWT)