05/08/2020
គម្រោងសាងសង់វិទ្យាស្ថានគរុកោសល្យនៅរាជធានីភ្នំពេញ និងបាត់ដំបង គឺបាននឹងកំពុងអនុវត្តក្រោមក្របខណ្ឌហិរញ្ញប្បទានឥតសំណងរបស់ជប៉ុន។ គម្រោងនេះមានសាងសង់ទាំងអាគារសិក្សា អាគាររដ្ឋបាល អាគារពិសោធន៍វិទ្យាសាស្ត្រ និងសិល្បៈ បណ្ណាល័យ សាលប្រជុំ កន្លែងស្នាក់នៅ និងការផ្គត់ផ្គង់ឧបករណ៍ពិសោធន៍ទំនើបផ្សេងទៀត។ ការសាងសង់នេះបានរំពឹងថានឹងបញ្ចប់នៅខែតុលា ឆ្នាំ ២០២០។ វិទ្យាស្ថានគរុកោសល្យទាំងពីរ នៅរាជធានីភ្នំពេញ និងខេត្តបាត់ដំបង នឹងដើរតួនាទីយ៉ាងសំខាន់ក្នុងការផ្តល់សញ្ញាបត្របរិញ្ញាបត្របឋមសិក្សា និងការបណ្តុះបណ្តាលផ្នែកសេវាកម្មផ្សេងទៀតដែលប្រកបដោយគុណភាពខ្ពស់ក្នុងការអប់រំគ្រូបង្រៀននៅប្រទេសកម្ពុជា ។