Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Press Release

May 25, 2019

"Voluntariu JICA selebra aniversariu ba dala 10"

Iha loron 25 fulan maiu 2019, Kooperasaun Voluntariu Japonés ba Rai Liur (JOCV) halao eventu aniversariu JOCV ba dala-10 iha Timor Plaza, ho objetivu atu selebra tinan 10 prezensa voluntariu JICA nian mai iha Timor Leste no selebra mos númeru voluntariu ne'ebe atinji ona 100 hahú hosi tinan 2010 to'o agora. Iha okaziaun ida ne'e, sei introdus mos atividade loron-loron nian nebe voluntariu halo ho komunidade sira, no voluntariu sira mos sei hatudu Kultura Japaun nian, hanesan; Dansa Kultura Japones nian, Aikido, drama ho muzika no fashion show.

Programa JOCV ne'e estabelese iha tinan 1965, Akordu hodi despaixa voluntariu JICA nian mai iha Timor-Leste assina entre Japaun no Timor-Leste iha tinan 2005. Grupu voluntariu dahuluk mai iha Timor-Leste iha tinan 2010. To'o ohin loron, programa JOCV ne'e haruka ona voluntariu hamutuk 100 mai iha Timor-Leste. Agora dadauk iha voluntariu 31 nebe mak servisu iha instituisaun governu, Hospital, eskola, no NGO sira iha Dili, Ermera, Aileu, Maubisse, Baucau, Venilale no Maliana.

JOCV kontribui ona ba desenvolvimentu rekursu humanu iha Timor-Leste iha area Saude/ Servisu Sosial (Nutrisaun, Farmacêutika, Terapia Fíziku, Saúde Públiku, Enfermeira Saúde Públiku no Teknolijia Informasaun no Komunikasaun (ICT), Promosaun Saúde, Enfermajen, Saúde Públiku). TURISMU (Merkadoria, Artesenatu, Fotografia, Kostura, Seramika, Museolojia, Produsaun Programa Televizaun no Turizmu). Agrikultura, Edukasaun, Juventude no Desportu (mak hanesan Edukasaun Fizika, Futebol, volibol no Aikido).

JOCV nia moto mak "Hamutuk ho Komunidade Lokal", ne'e hatudu katak sira hakarak tebes atu servisu hamutuk ho komunidade lokal sira no kontribui ba dezenvolvimentu sosio-ekonomiku Timor-Leste nian. Tamba sira hatene duni ba area sira nee no iha komitmentu atu hatene Tetun. Sira nia servisu hetan ona apresiasaun hosi institusaun balun no povu Timor-Leste, no pedidu ba destakamentu ba voluntariu JOCV kontinua aumenta.

Photo

Photo


Photo

Photo


Photo

Photo


Photo

Photo

PAGE TOP

Copyright © Japan International Cooperation Agency