Press Release

Serimónia inaugurasaun Projetu Konstrusaun Edifisiu Foun Fakuldade Enjiñaria, Siênsia no Teknolojia (FEST), Universidade Nasionál Timor Lorosa'e (UNTL) ne'ebé hetan fundu hosi Governu Japaun hala'o iha loron 14 Janeiru 2020 iha kampus UNTL iha Hera.

Serimónia ne'e organizadu hosi UNTL ne'ebé atende hosi Vice Ministro dos Negocios Estrangeiros assunto Parlamentario, S.E. Sr. NAKAYAMA Norihiro, Ministro do Ensino Superior, Siênsia & Cultura, S.E. Sr. Longuinhos dos Santos, Embaixadór Interino, Sr. HIGASHIMOTO Shingo, membru governu balun, Reitór UNTL, Dr. Francisco Miguel Martins, dosente hamutuk ho ofisiál UNTL no komunidade lokál sira.

Objetivu hosi projetu ne'e mak atu kontribui ba melhoramentu ambiente aprendizajen no dezenvolvimentu rekursu umanu industriál Timor-Leste nian.

Konstrusaun refere implementada hosi Fevereiru 2018 to'o Outubru 2019 (fulan 19) hosi Rinkai Nissan Construction Co.,Ltd ho supervizaun hamutuk hosi Yamashita Sekkei Inc no Intern Consulting, Inc ho valor orsamentu 2.231 biliaun yen (kuaze USD21m). Projetu refere fó servisu ba traballadór lokál hamutuk 122.

Projetu ne'e konstrui ho; (1) aula 20; aula 15 bele akomoda ema 40, aula 5 bele akomoda ema na'in 80, (2) auditorium ho kadeira 400, (3) biblioteka, (4) eskritoriu ba Dekanu no dosente sira no (5) asesu dalan ba ema ho difisienti sira. Nune'emós iha ekipamentu hamutuk tipu 39 mak entrega ba FEST iha 12 Jullu 2019 ba aprendizajen no laboratório departamentu lima (Enjiñaria Informátika, Enjiñaria Jeolojia no Petroleu, Enjiñaria Mekánika, Enjiñaria Sivíl, Enjiñaria Elektríka no Elektrónika)

Iha adisaun ba konstrusaun edifisiu foun, oras ne'e JICA implementa hela projetu kooperasaun tekníka ida ba FEST ne'ebé hanaran " Projetu Dezenvolvimentu Kapasidade FEST, UNTL faze II (projetu CADEFEST faze II) ne'ebé suporta hosi professor sira hosi universidade balu iha Japaun. Objetivu hosi projetu ne'e mak atu hasa'e kapasidade edukasaun no peskiza iha FEST. Projetu refere hahuu hosi Agostu 2016 no sei hotu iha Marsu 22 (tinan 5 ho balun).

Titúlu: Inaugurasaun "Projetu Konstrusaun Edifisiu Foun Fakuldade Enjiñaria, Siênsia no Teknolojia"

Oras no Data: 15:00 – 16:00 | 14 Janeiru 2020

Fatin: UNTL Hera Campus

Atu hetan informasaun klaru liutan, favor kontaktu:
Embaixada Japaun iha Timor-Leste: 3323131/2
Ajênsia Japaun ba Kooperasaun Internasionál (JICA) iha Timor-Leste: 3312420