Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Press Release

January 15, 2020

Serimónia Inaugurasaun Projetu Realokasaun Urjente Terminál Ró

Serimónia inaugurasaun Projetu Realokasaun Urjente Terminál Ró iha Portu Dili hala'o iha loron 15 Janeiru 2020. Seimónia ne'e atende hosi Vice Ministro dos Negocios Estrangeiros assunto Parlamentario, S.E. Sr. NAKAYAMA Norihiro, Ministro do Transporte e Comunicação Timor-Leste, S.E. Sr. José Agostinho da Silva, Embaixadór Interino, Sr. HIGASHIMOTO Shingo, ofisiál governu no konvidadu sira.

Konstrusaun projetu ne'e inklui: (1) kais ida ho naruk metru 100 no luan metru 20 ne'ebé bele akomoda ró pasajeiru rua durante oras 24 nia laran, (2) asesu dalan (moveable land platform) ho medida metru 55x52, (3) fasilidade nesesariu seluk hanesan iluminasaun, fornesementu bee, fornesementu enerjia, torneira hamate-ahi no ekipamentu ba seguransa. Konstrusaun projetu refere hala'o hosi kontratór Japonêse Tobishima Corporation no supervizionadu hosi Japan Port Consultants, Ltd & Ides Inc ho valor orsamentu kuaze 2.197 biliaun yen (maizoumenus USD 21M). Projetu ne'e fo servisu ba ema lokál hamutuk na'in 90.

Konstrusaun projetu ne'e ho objetivu atu realiza operasaun ba transportasaun pasajeiru ne'ebé seguru no efikás liuhosi realokasaun terminál eziste ne'ebé kria konfuzaun ba movementu entre pasajeiru ró ho kontentór sira ne'ebé operasionadu hosi ekipamentu. Terminál ró foun lokalizada iha parte oeste iha Portu Dili. Ho kais /terminál ró foun, bele akomoda ró pasajeiru rua tan iha tempu hanesan durante oras 24 nia laran. Terminál ró foun sei fornese transportasaun tasi/maritíma ho seguru no efikás ba pasajeiru sira nomós ba sasan no sei aselera Timor-Leste nia dezenvolvimentu partikularmente iha área industria no turizmu.

Espera katak ho konstrusaun fasilidade ida ne'e, sei hasa'e númeru transporte marítima no movimentu ema mós sei sa'e, nune'emós transportasaun sasán entre área remota atu kria koneksaun foun aleinde Oecusse no Atauro.

Titúlu: Inaugurasaun " Projetu Realokasaun Urjente Terminál Ró"

Oras no Datae: 10:00 – 11:00 | 15 Janeiru 2020

Fatin: Portu Dili

Ba informasaun klaru liutan, favor kontaktu:
Embaixada Japaun iha Timor-Leste:3323131/2
Ajênsia Japaun ba Kooperasaun Internasionál (JICA) iha Timor-Leste: 3312420

Photo

Photo


Photo

Photo


Photo

Photo

Photo

Photo

PAGE TOP

Copyright © Japan International Cooperation Agency