Japan International Cooperation Agency
Share
  • 日本語
  • English
  • Français
  • Espanol
  • Home
  • About JICA
  • News & Features
  • Countries & Regions
  • Our Work
  • Publications
  • Investor Relations

Press Release

January 29, 2020

Seminariu Konjunta konaba Planu Dezenvolvimentu Portuariu no Fasilidade

Seminariu konjunta konaba Planiamentu ba Dezenvolvimentu Fasilidade Portu ne'ebé hala'o liuhosi Programa Interkambiu (Exchange Program) enter Portu iha Cambodia ho Timor-Leste hala'o iha loron 29 Janeiru 2020 iha salaun reuniaun Ministério dos Transporte e Comunicações, organiza hosi Phnom Penh Autonomous Port (PPAP), Sihanoukville Autonomous Port (PAS), APORTIL & JICA.

Seminariu ida ne'e hanesan faze finál hosi atividade ne'ebé hahuu hosi Jullu 2017 ho nia meta atu fahe rezultadu hosi atividade sira ne'e, liuliu konaba planu dezenvolvimentu ba futuru no manutensaun ba fasilidade portu iha Timor-Leste no lisaun/esperiensia hosi Portu iha Cambodia nune'e mós koñesementu no esperiensia hosi Japaun.

Ligadu ho ida ne'e, peritu hosi Timor-Leste no Cambodia espresa sira nia obrigadu ba governu Japaun no JICA ne'ebé apoiu ona nasaun rua ne'e ho finansiamentu no tekníku hodi hadi'ak koñesementu ofisiál sira iha portu liuhosi diskusaun no idea durante semináriu ida ne'e.

S.E. Ministro dos Transporte e Comunicações, Sr. Jose Agustinho da Silva L. Ed. M.M no S.E. Embaixadór Japaun Interinu iha Timor-Leste, Sr. Shingo HIGASHIMOTO mak loke semináriu ida ne'e.

Bainaka aprezentadór mak S.E. Asesór Tekníku Nippo Corporation, Sr. Hirotaka Sato ne'ebé mak aprezenta konaba Dezenvolvimentu Portuariu Timor-Leste hosi perspetiva esperiénsia Japaun nian. Nia sei hatudu konaba portu ne'ebé esperadu iha Timor-Leste ne'ebé bele lori hosi rede ró pasajeiru, portu kontentór foun no utiliza hosi portu Dili ba kruzeiru.

Seminariu ne'e taka hosi S.E. Prezidente APORTIL, Sr. Flavio Cardoso Neves.

Unidade Jestau Projeitu ba Projeitu Portuariu Tibar, peritu sira hosi Phnom Penh Autonomous Port, Sihanoukville Autonomous Port, JICA, ofisiál sira hosi APORTIL, Marin Construction Company Fudotetora Corporation no Fabríka Ceramic Duct Sugie Seito Co.,LDT no Fakuldade Enjiñaria, Siênsia no Teknolojia, UNTL sei halo aprezentasaun konaba Planu Dezenvolvimentu Portuariu, Manutensaun ba Fasilidade no Seguransa iha portu.

Governu Japaun liuhosi JICA kontinua apoiu ba setór portuáriu molok Timor-Leste ukun rasik-an hanesan reabilitasaun urjente ba fasilidade sira iha portu, dezenvolve Portu Oecusse no Terminál Ró iha Dili atu akomoda númeru kargo ne'ebé aumenta no ba pasajeiru sira nia seguransa. Nune'e mós, JICA haruka tiha ona peritu sira ba APORTIL hahuu kedas hosi 2012 to'o agora atu hadi'ak planu portuariu, fasilidade, jestaun no seguransa.

Títulu: "Seminariu Konjunta konaba Planu Dezenvolvimentu Portuariu no Fasilidade"
Data no oras: 29 Janeiru 2020/ 08:30 - 17:30
Fatin: Salaun Reuniaun, MTC
Ba informasaun klaru liutan, halo favor kontaktu:
Ajênsia Japaun ba Kooperasaun Internasionál (JICA) Timor-Leste: 3312420

Photo

Photo


Photo

Photo


Photo

Photo

PAGE TOP

Copyright © Japan International Cooperation Agency